Kuring teh resep pisan tembang-tembang ti lembur….. alias lagu-lagu Sunda. Salah sahijina “Bubuy Bulan”…. Nyanggakeun…..ieu klip video kuring nembang Bubuy Bulan — disarengan ku gitar — di Arizona.
Hapunten, bagian kahijina teu karekam.
versi bahasa indonesia lihat: http://merlyna.blogspot.com/2008/01/selamat-tinggal-2007-selamat-datang.html
english version see: http://www.merlyna.org/blog/index.php/2008/2007/
angin peuting ngahiliwir. mapagkeun kuring ka taun anyar. yen emutan kuring kacangreud keneh ku taun 2007. taun nu pinuh carita. dongeng pikaseudiheun. dongeng pikabungaheun. dongeng pikaseurieun.
angin sumeleket. nyangkredkeun kamelang. rebuan gambar ngalanglayungan pun impenan. ti tempe ka yale. ti angkor di kamboja ka tokyo di jepang. ti manhatan new york ka jogja. namung gambaran lembur kuring, di dayeuhkolot, nu ngumalayangkeun angeun. ngucurkeun cimata simpe.
2007, taun nu pinuh kurnia……
wilujeng nyorang taun 2008!
Sarupi kembang malati nu katincak kapopohokeun yen seungitna ngahaliwir ngarebak kamamana, saucap hampura merdekakeun hate nu kacangred
Sarupi ci hujan ngawasuh taneuh garing, sadepa hampura ngubaran hate nu nalangsa
Sakeclak hampura ngawaler kawih ati nu neang welas asih
Wilujeng boboron siam, saderek sadayanana
Teu karaos… tos sasih Agustus deui. Kuring tos mulih ka Tempe deui. Teu terang iraha kuring bakal neang pun lembur, Dayeuh Kolot, deui. Mugi-mugi kirang ti sataun.
Tujuh minggu kalangkung teh meni asik. Sok emut sorangan nginget-nginget kajadian2 nu lalucu. Kukurilingan di Asia teh meni pikaresepeun. Hihiberan ka Hong Kong, Manila, Dayeuh, Singapur, Saigon, Siem Reap, Phnom Penh, sareng Kuala Lumpur. Haratis deuih. Kumaha teu resep nya?
Ah, tos ah. Ngimpen-na engke deui. Ayeuna mah kedah didamel heula yeuh.
Tos rada lami simkuring teu mulih ka lembur Dayeuhkolot tea. Tos sono, da parantos dua taun!
Enjing kuring bakal pung ngapung ninggalkeun Tempe, moal mulih nepi kan minggu ka-dua sasis Agustus. Mung moal nepi ka Dayeuh minggu ieu da kedah nyaba heula ka Hong Kong sareng Manila. Kaping 29 sasis Juni pasawat kuring ti Manila bakal tepi ka bandara Jakarta teras dipapag-keun ku kulawarga/baraya kuring ti Dayeuh.
Ah, hoyong gancang2 nepi ka lembur!
a sequel to Jangar 1.0
sateuacan caranghang tihang
panon poe geus mawa caang
isuk-isuk telepon nyasar nyangsang
kuring kapaksa ngorejat hudang
musim halodo di tempe
sok matak ngabebete
sagala jadi hararese
matak hoream digawe
langit arizona gorowong
letah seuneu nyaronyob
ngahebos nyongkab angon
kuring jangar bari monyong!!!!!
lady day, tempe, 5 juni 2007, wanci ngampih laleur
Taya nu anyar. Dayeuhkolot mah disebut dina suratkabar atanapi koran teh mung ukur dina warta banjir atawa macet. Lembur kuring teh emang meuni teu aya bosenna banjir jeung macet. Unggal taun, kudu wae banjir sakali atawa dua kali. Meuni getol pisan kanu banjir teh. Ari macet mah tong ditanya. Teu banjir oge, Dayeuhkolot mah tos macet!
Kumaha teu macet. Jalan-na pan garehol bari seueur bolong jiga nu bopeng. enTreuk, angkot, jeung mobil2 pribados oge seueur pisan ngaheuheurin jalan. Da eta atuh, meuni seueur pabrik di Banjaran, Majalaya, sareng di Dayeuhkolot, janten bubaran didamel mah kacida macetna.
Masih ceukas di imutan kuring, unggal enjing tabuh 7-an sareng sonten tabuh 5-an, jalan payuneun pun rorompok teh meuni heurin. Mobil, treuk, beca’, motor, beus sasarimpetan di jalan. Rieut!
Ah, iraha nya Dayeuhkolot bakal bebas tina banjir sareng macet? Mugi-mugi wae…. 5-10 taun kapayun aya kaajaiban. Ngimpen euy…… keun bae ah, ngimpen mah ngeunyaaaaah.
Ganti taun, muga mawa kamajuan….
Ganti taun, ginanjar karaharjaan…..
Geten, titen, ……
“Ganti taun”…. eta tembang nu dihariringkeun ku kuring sareng rerencangan waktos ngiringan rampak sekar di es-em-pe. Tos limabelas taun langkung! Matak ngan inget sakitu-kituna…. tos lepat lirik salengkepna mah.
Keun bae lah, lepat oge. Teteup we, tembang ieu bakal janten du’a kuring kanggo taun 2007.
Wilujeng taun 2007!
Dua minggu nu kapengker, kuring nyaba ka Ostrali. Sanes nyaba-nyaba teuing da seueur kagiatan. Kuring ngabako di hiji konprensi, dua workshop, sareng tilu kuliah publik. Tapi nya tetep aya waktos sakedik (kabur-kaburan tea) kanggo wara-wiri di nagara kangguru tea.
Ostrali teh meuni pikabetaheun pisan. Kota-kotana sarae pisan. Jalmi2na aramis budi. Kopi sareng coklat panas na edun, raos pisan lah. Pokokna mah teu kaduhung ngapung belasan jam (ampir 20 jam) x dua, ninggalkeun Tempe nu keur panas ngahodhod dua minggu.
Nu matak moal poho ti Ostrali teh, salian kopi, kota2na, sareng jalmi2na, si kangguru sareng koala na nu khas tea. Sanes ceu-guru nya…. mung aya si akang wungkul. Kuring nyobian masihan makan maraban kangguru. Meuni bageur pisan kangguru teh, lindeuk, teu baringas. Ari koala mah sanes lindeuk wungkul, namung oge lucu jeung pijembeleun. Kuring nyobian ngekeupan koala. Meuni anteng geura si koala teh dikeukeupan ku abdi. Haneut meureun nya.. hehe.
Pokona mah Ostrali teh asik lah. Upami aya kasempatan deui, kuring hoyong lah nyaba deui ka nagri si koala.
Naha nya… tebih-tebih ka Amerika, kalahka lngawulang di ASU (dina basa Jawa mah pan guguk alias anjing), linggih di Tempe (sanes tahu atawa cireng atawa gehu) caket walungan Gila (gelo).
Nasib… nasib.. nasib…
