Mulih ka Dayeuh

Tos rada lami simkuring teu mulih ka lembur Dayeuhkolot tea. Tos sono, da parantos dua taun!

Enjing kuring bakal pung ngapung ninggalkeun Tempe, moal mulih nepi kan minggu ka-dua sasis Agustus. Mung moal nepi ka Dayeuh minggu ieu da kedah nyaba heula ka Hong Kong sareng Manila.  Kaping 29 sasis Juni pasawat kuring ti Manila bakal tepi ka bandara Jakarta teras dipapag-keun ku kulawarga/baraya kuring ti Dayeuh.

Ah, hoyong gancang2 nepi ka lembur!

Banjir + macet

Taya nu anyar. Dayeuhkolot mah disebut dina suratkabar atanapi koran teh mung ukur dina warta banjir atawa macet. Lembur kuring teh emang meuni teu aya bosenna banjir jeung macet. Unggal taun, kudu wae banjir sakali atawa dua kali. Meuni getol pisan kanu banjir teh. Ari macet mah tong ditanya. Teu banjir oge, Dayeuhkolot mah tos macet!

Kumaha teu macet. Jalan-na pan garehol bari seueur bolong jiga nu bopeng. enTreuk, angkot, jeung mobil2 pribados oge seueur pisan ngaheuheurin jalan. Da eta atuh, meuni seueur pabrik di Banjaran,  Majalaya, sareng di Dayeuhkolot, janten bubaran didamel mah kacida macetna.

Masih ceukas di imutan kuring, unggal enjing tabuh 7-an sareng sonten tabuh 5-an, jalan payuneun pun rorompok teh meuni heurin. Mobil, treuk, beca’, motor, beus sasarimpetan di jalan. Rieut!

Ah, iraha nya Dayeuhkolot bakal bebas tina banjir sareng macet? Mugi-mugi wae…. 5-10 taun kapayun aya kaajaiban. Ngimpen euy…… keun bae ah, ngimpen mah ngeunyaaaaah.

Budak ITB….. karunya

Mahasiswa sareng lulusan ITB (sanes Icalan Teh Botol nya), sok sararombong. Meni kacida banggana. Atuh da meureun lantaran sering disebat-sebat paling alus di Indonesia. Pan waktos lebet ka ITB teh, barudak ITB nu anyar disambut ku spanduk gede ngajeblak. Wilujeng sumping murangkalih pang-ontohod-na sa Indonesia, kitu kinten-kinten seratanana dina spanduk teh.

Barudak ITB oge sok ngarasa panghebringna di mamana. Leuwih hebring ti barudak ti unipersitas sejen.

Nah, carita abdi bakal dimimitian di dieu.

Kieu…. pun adi teh hoyong lebet ka ITB, tapi teu katampi. Janten anjeunna teh lebet ka IKIP Bandung alias UPI tea.

Dina taun ka opat, pun adi teh miluan KKN (kuliah kerja nyata). Anjeunna ditugaskeun babantu di kampung, caket Garut upami teu lepat mah. Ari di kampung mah geuning jalmi desa teh seueur nu kagum ka barudak IKIP.

Hiji poe, pun adi sareng rerencanganna ti ITB ngaduprek ngobrol sareng hiji panduduk desa, ibu-ibu.

Ibu (I): Cep, upami encep teh ti Bandung?
pun adi (A): Muhun, Bu.
I: Kuliahna di mana, Cep?
A: IKIP, Bu.
I: Oh, sae pisan IKIP mah, Cep.

Teras si Ibu teh naros kan rerencanganana pun adi.

I: Upami encep ieu ti mana? Sami-sami ti Bandung?
Rerencangan (R): Muhun, Bu.
A: Ari encep kuliahna di mana? sami-sami di IKIP?
R: Sanes bu, abdi mah ti ITB
I: Euleuh-euleuh… karunya teuing….teu katampi di IKIP, nya….

Pun adi mesem-mesem. Ari budak ITB mah cengo…. #@$*&%$#@!???

catetan: budak ITB, ulah bendu nya… dan sim kuring nu nyerat ieu blog oge budak ITB

Bandung heurin ku tangtung

Parantos sasasih abdi mulih ka Bandung. Sateuacan nepi ke Bandung, abdi nyangken pun lembur teh moal robih-robih teuing. Abdi lepat. Bandung teh tos robih pisan. Waktos abdi nyobian nyetir deui for the first time, abdi lieur bin jangar. Nepikeun ka nyasab ka leuweung sagala.. eh, maksadna mah sanes leuweung forest euy…. tapi leuweung outlet!?!?!

Teungteuingeun atuh, Lady Dayeuh kasasar mah… meuni isin atuh!!!

Bandung, Bandung, Bandung nelah kota Kembang, Dilingkung gunung, heurin ku tangtung, Puseur kota nu mulya Parahiyangan, Pada muru, dijarugjugan.

Tembang buhun ieu diciptakeun puluhan taun nu kalangkung. Namung, parantos ngagambarkeun kaayaan Bandung nu krowdit, nepi keun nangtung oge hararese. Ayeuna mah, tos kacida heurinna. Lain heurin ku tangtung wungkul. Bandung oge heurin ke angkot, mobil pribados, mal, kape, sareng eP-O. Ah, Bandung…. Bandung….bade janten naon atuh anjeun teh?

bandung, july 2005