Mangga Ma’ Ene

Waktos abdi alit keneh, abdi sok resep ameng sareng pun nini. Pun nini, Ma’ Ene disebatna ku tatangga, teu tiasaeun nyarios basa Indonesia. Anjeunna mah mung nyarios basa Sunda. Janten di bumi oge, sareng pun nini mah tara nganggo basa Indonesia.

Ma’ Ene teh teu tiasa nyerat, teu tiasa maca, namung pinter ngadongeng. Seueur pisan carios sareng dongeng nu rame. Abdi teh salah sahiji incu paporit Ma’ Ene. Waktos es-de keneh mah, unggal wengi abdi teh ngumpul sareng Ma’ Ene. Ngadangukeun dongeng bari nundutan. Dongeng, ngabobodo budak cengeng, ceunah mah nya?

Pun nini teh teu ngasaan sakola. Namung Ma’ Ene mah gaduh sumangat nu ageung hoyong diajar. Waktos abdi kelas tilu es-de, Ma’ Ene tiasa nulis ngaran anjeunna sorangan sareng tiasa milang.

Ma’ Ene oge sumanget pisan ngawulang diajar basa Indonesia. Sok rajin tumaros ka abdi… Ari ieu basa Indonesa-na naon? Ari itu? Ari ieu? Waktos Ma’ Ene pupus — abdi es-em-pe kelas tilu — anjeunna tos tiasa nyarios basa Indonesia satengah-satengah.

Sok aya wae nu pikaseurieun dina basa Indonesia Ma’ Ene teh. Conto-na mah soal ‘buah’. Pan Ema teh naroskeun, “Upami tangkal basa Indonesia-na naon?” Abdi ngawaler, “Pohon, Ma”. Teras Ma’ Ene naros deui, “Upami buah basa Indonesia-na naon?” “Mangga, Ma,” ceuk abdi teh.

Kabeneran di hareupeun rorompok teh aya tangkal buah. Ma Ene teh janten sok nyarios ka tatangga, “Ini pohon teh belum ada manggah-nyah”. Wah, pinter geuning si Ema teh….

Di hareupeun rorompok oge aya tangkal sejen. Tangkal jambu. Hiji poe, tatangga naroskeun ka Ma’ Ene. “Ini pohon jambu, ya Ma?” Ma Ene ngawaler, “Iyah, ini pohon belum ada manggahnya”. Si tatangga teh lieur-eun…. teras naros, “Ma’, bukannya ini pohon jambu?” “Iyah, inih pohon jambuh, tapi belum ada manggahnyah,” saur Ema. Si tatangga mangkin lieur bin jangar…. matak ngaleos weeee.

Teu lami, abdi nerangkeun ka pun nini yen mangga teh “buah”, ari bubuahan mah tetep wae buah. Namung pun nini teh teu ngartoseun. Da sesah ngartosna atuh nya. Matak lieur. Pan buah teh mangga, naha bet salah?

Abdi seuri. Teu nanaon, Ma’ Ene. Buah teh leres mangga. Meuni manis…. Ma’ Ene meuni kacida polosna. Matak sok sono ka Ma’ Ene. Pun nini nu polos sareng welas asih. Ma’ Ene, abdi mikaasih ka anjeun……..

17 responses to this post.

  1. heuheu.. Ari si Euceu meni Pinter-pinter teuing nya, dugika naon wae tiasa dilakonan.
    Kapungkur Rama abdi sok nyandak majalah mangle upami uih ti padamelan na, Abdi emut carita sapertos kieu aya dina rubrik Lalangse Ahengeh barakatakupami teu lepatmah..

    Anu di Jakarta oge meni sono ka Lembur teh,komo anu di Luar Nagreg Nya..??

    Waler

  2. walah… tos lami teu maos Mangle…!
    muhun, meni sono ka lembur teh… komo-komo di dieu mah teu aya nu tiasa diajak nyarios basa Sunda….😦

    Waler

  3. Posted by dian on Juli 30, 2006 at 11:02 am

    teh mer, nepangkeun ah. tos lami maos blog teh mer. meni asa wararaas mendak sareng maos blog nganggo bahasa sunda. komo eta soal ma’ene. jadi sono ka pun nini. eh, tapi ketang pun nini mah urang betawi, nyariosna sunda campur betawi🙂

    Waler

  4. teh dian, nuhun pisan tos linggih ka blog abdi. enya ieu teh tos lami teu nyarios basa Sunda… janten nyerat ieu blog teh supados teu lepat kitu nya.

    eh, geuning teh dian teh betawi sunda? asik atuh nya… si kabayan kacampur si doel😀

    Waler

  5. Posted by adinda putri on Juli 31, 2006 at 1:12 pm

    Mer, nepangkeun abdi teh pans anjeun caritana mah. Duuh mani molohok tur ngacay mendak mojang sunda mani seueur pakabisana. Abdi janten ngiring bangga kituh…
    Abdi teh sering noongan multiply anjeun, blog anjeun, pokona sagala rupi situs nu di pikagaduh ku anjeun. Sok lah sing tambih maju…
    Salam ngacay ah…

    Waler

  6. adinda putri: wah… nuhun nya tos ameng ka blog sunda abdi. ulah nepi ka ngacay atuh… bau dahdir… hahaha.
    hayu atuh… urang olohok bareng :))) mangga….

    Waler

  7. Maos cariosan di luhur estuning matak nineung ka pun nini di lembur. Aya ku kituna nya namina sepuh mah….
    Ngalereskeun sakedik: Sanes “Ma’ Ene oge sumanget pisan ngawulang basa Indonesia”, tapi “Ma’ Ene oge sumanget pisan diajar basa Indonesia”. Rupina ngawulang mah hartosna ngajar.

    Waler

  8. teh Candra, nuhun pisan tos komentar sareng tos ngalereskeun “ngawulang”🙂

    Waler

  9. Punten, manawi abdi mah sanes istri, tapi pameget. Bujang tulen😉

    Waler

  10. eh… hampura atuh .. sugan teh istri🙂 Kang Candra geuning, sanes Ceu/Teh Candra🙂

    Waler

  11. Posted by dadeu on Agustus 29, 2006 at 3:00 am

    heuheuy deudeuh…
    tarucingna keren abiz, inget jaman baheula…
    ulin undur-undur,
    bancakan,
    gatrik,
    sondah….
    teu aya deui nya mer..meureun kudu nyieun cyber gatrik, bancakan, sondah, uucingan….
    sok atuh di laju bari ngacay en ngadahdirs…

    dadeu

    Waler

  12. nuhun kang Dadeu..
    hayu atuh iraha2 mah urang ameng gantrik atawa sondah… atawa rorobonan (terang teu?)
    mangga ah… bade ngacay heula🙂

    Waler

  13. Tatarucingan, ieu waleranana :

    1.Ganas
    2.Kareta api
    3.Cau

    Sok aya deui ??

    Waler

  14. teh Aida pinter euy…. leres pisan waleranana!
    ke heula nya…. sabar..sabar… tatarucingan nu lian na nyusul..

    Waler

  15. Sami sapertos Adinda diluhur, nepangkeun oge abdi. Resep pisan kacida macaan seratan2 tanapi blog2 anu Teh Mer teh…. nembe ayeuna wantun masihan komentar, teu kiat ngacay…😀

    Waler

  16. Kang Ujang, nuhun pisan tos ameng sareng komentar di pun blog. Upami bade ngacay, ulah sambarangan nya? hehe….
    mangga ah

    Waler

  17. Reueus yeuh basa sundana sae pisan. Abdi bade nimba elmu di ieu tempat, susuganan diwidian.

    Waler

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

%d bloggers like this: