Kuring

Sim kuring teh mojang Priangan. Asal ti Dayeuhkolot, Bandung. Pun bapa namina (kang) Encep, pun biang disebatna (ceu) Cicin. Tos salapan taun abdi teh ngumbara ninggalkeun Dayeuh. Namung abdi mah tetep deudeuh ka Dayeuhkolot, pun lembur. Abdi ngadamel blog ieu supados teu hilap kumaha carana nyarios/nyerat nganggo basa Sunda. Hapunten upami seueur kalepatan dina undak-usuk basa Sunda abdi. Da abdi mah sok lepatan… eh teu ketang, abdi teh emutan pisan nemi tisuksuk tidungdung, utamana mah ka nu heunteu2 sautama carios2 garelo sapertos bojekan kang Ibing. Moal poho eta mah. Namung ka nu konci, dompet, sareng sagala … teuing ah.

Salian di dieu, abdi oge nge-blog di Mer’s Bytes of Bites (basa Inggeris) sareng Celoteh Mer (basa Indonesia).

Mangga……

29 responses to this post.

  1. sihoréng aya ogé blog teh mer di worpress. manawi kersa ‘kin ku abdi dipangdamelkeun header kanggé dipasang didieu.

    Waler

  2. alah… tos aya geuning ? da tadi mah teu kaluar, sanajan sababaraha kali neken F5😦

    Waler

  3. Posted by Odoy on Oktober 7, 2006 at 2:27 pm

    Duh bagja pisan geuningan anjun teh upami leres tea mah masih emut ka bali geusan ngajadi, sami pun abdi oge kawit mah ti dayeuh kolot, mung ayeuna nuju ngumbara milarian pangalaman. hatur nuhun.

    Waler

  4. giwangkara: nuhun kang tos nyaba ka rorompok abdi. upami hoyong mangdamelkeun header mah, ditampi atuh…. hatur nuhun pisan.

    odoy: euleuh2, geuningan batur salembur. meni resep tiasa amprok sareng urang dayeuhkolot.

    Waler

  5. punten ah, bade ngiring nyarios, saking bungahna tiasa maca blog basa sunda. Nembe simkuring mendakan blog nu siga kieu.

    nuhun ah, mudah2an basa sunda tetep jaya!

    Waler

  6. Posted by Kagunie on Pébruari 22, 2007 at 6:22 am

    alah meuni bagja aya keneh nu inget ka basa urang nu endah ieu teh…
    sok atuh teraskeun sina ageung jeung terus berkembang…

    Waler

  7. budisatia: duh nuhun nya tos namu ka rorompok abdi….. hidup basa sunda!

    kagunie: abdi oge ngiring bagja tiada mendakan batur salembur….. nuhun pisan.

    Waler

  8. Posted by Biho on Maret 12, 2007 at 1:57 am

    dupi salira teh nuju ngumbara di manten?

    Waler

  9. asa kantos tepang sareng si teteh

    Waler

  10. Langkung tipayun paralun anu kasuhun, wening galih anu dipamrih, hapunten anu diteda. Sim kuring rumaos parantos kumawantun nganjang ka Blog Salira .. tumbu laku kaukur ku umur, mawa seja panghegar manah nu bingah.
    Salajengna, simkuring nyanggakeun beuheung teukteukeun, tikoro gorokeun, suku genteng beulokeun. Niat Sim kuring teu aya sanes mung hoyong janten sadulur nu akur, baraya nu di seja. Umumnamah…silaturahmi.
    Rampung dawuh tuntas pangandika… jembarna hate estu nu di seja.

    Waler

  11. salam kenal teh ti Bale Endah..hihiih..meni asa tebih2 teuing ngumbara teh…

    Waler

  12. Posted by ariswanrisna on Méi 26, 2008 at 10:41 am

    Nepangkeun, abdi pamuda ti palih wetan, ti Tasik (sanes ti Tanic, he-he-he). Ngiring bingah ah, aya mojang Priangan anu teuneung & ludeung, hiber tebih ti lembur. Sawaktos-waktos mah hoyong ngiring dina Mer’s Bite Of Bytes, diajar ngobrol English. Namung upami lepat pamugi dipasihan komentar. Sakitu heula ah salam kenalna.

    Waler

  13. nepangkeun teh, sami-sami mojang bandung, abdi kuliah di dayeuhkolot🙂 salam kenal meni asa saredih nyaksikeun aya urang sunda nu tos ngumbara ka mana-mana tapi teu hilap kana asal usulna, hese pisan milarian nu kieu teh🙂

    Waler

  14. Biho: ayeuna mah nuju di Amerika, kang

    pacarterbang: upami urang Bandung mah, meureun kantos patepang…. di pasar baru :p

    GerentesHate: duh meni sae basa Sundana… nuhun pisan tos ameng ka pun blog.

    mr.t: salam kenal kang… tebih… hehe.. muhun tebih🙂

    ariswanrisna: salam kenal.. sami-sami diajar lah kang… kumaha Tasik? jaya? :p

    ninoy: sami2 nepangkeun atuh. euleuh2 batur salembur geuning? kuliah di dayeuhkolot mah biasana di STT Telkom nya? hampura upami lepat🙂

    Waler

  15. Posted by Uum on Juli 1, 2008 at 9:27 am

    Punten pisan Teh Mel, tiasa teu sim kuring nyuhunkeun email pribadosna? sim kuring hoyong konsultasi ka teteh perkawis kuliahan tapi ngange biaya ti nu saneus alias gratis. Nuhun pisan teh

    Waler

  16. Posted by neneng Rosmy on Agustus 5, 2008 at 8:56 am

    Meuni resep ngedengekeun lagu di Blog teh Mer, jadi seuri sorangan..kahibur kitu. Halah..asli pokokna mah hebat!

    Waler

  17. edun,Teh!
    janten kabita, meuni pikaresepeun..
    pami saur urang dayeuh mah “TOP BeGeTe”

    Waler

  18. Posted by Teteh on Oktober 25, 2008 at 4:51 am

    Sampurasun Neng eh Teteh Mer
    Nepangkeun Sim Kuring wanoja asal Garut anu gaduh cita-cita hoyong ngamumule basa sunda. Ari manawi teh tos teu aya nonoman sunda anu mikacinta basa sunda da geningan ayeuna mah para nonoman asli sunda teh jiga nu isin upami nyarios ku basana nyalira. Sok dangukeun di daerah tatar parahyangan kantenan di Bandung mah asa langki nguping nu nyarios basa sunda. Naha atuh ieu teh lepat saha? Naha upami nyarios basa sunda teh tos dianggap kampungan kitu???

    Waler

  19. Posted by babay on Nopémber 25, 2008 at 1:16 pm

    ngalalkon di banjar pataruman

    Waler

  20. ngiring ngalangkung, Teh..
    reueus pisan aya urang sunda nu tetep miasih basana, najan tos hirup di mancanagara.
    Hatur nuhun.

    Waler

  21. Teh apal Jatiwangi? Kantos? Ieu ku abdi dikintun seratan soal lembur Jatiwangi. Abdi ngokolakeun Yayasan Karya Waluya di Jatiwangi. Haturnuhun.

    POE NU LUMPAT DI JEBOR
    Sentra genteng Jatiwangi

    Sutara (34 taun), isuk keneh teh geus milu ngariung di garduh jaga. Make kaos jeung dicalana kolor wungkul. Dina sakuna aya sangu sakeupeul dicampur uyah jeung cabe, minangka bekel. Sutara ngumpul jeung kurang leuwih sawelasan jalma, aya anu sapantar aya oge nu geus kolot. Kuli matuh jadi tukang MB, kitu disebutna teh, minangka tukang Muat jeung Bongkar genteng. Gawena nya ngabongkar sakaligus ngamuatkeun lamun aya nu rek balanja genteng atawa anu rek diangkut ka kota.
    Nu sarua jeung Sutara teh loba. Ngumpul di garduh jaga para juragan genteng nu ngaratus di sentra industri genteng di Jatiwangi, Kabupaten Majalengka. Kalan-kalan nu buburuh jadi kuli MB teh ngatik kana 20 jalmana atawa leuwih. Ari buruhna mah sarua, 90 rebu sakali muatkeun. Itung-itung tambahna teh persenan ti nu meuli 10 rebu tepi ka 20 rebu. Eta duit teh tuluy dibagi rata sajumlah buruh MB nu milu muat.
    Ari genteng nu dimuat sabaraha? Itunganana teh sapuso sapuluh rebu genteng. Kana meujeuhna lamun naekeun genteng sapuso kudu rea tanaga teh. Dina sapoe nga-MB bisa kana 10 kali tepi ka 20 kalina. Buruh MB samodel Sutara bisa nyakuan tepi ka 100 rebu sapoe. Papaitna mawa ka imah teh nya 50 rebu perak mah meunang keneh.
    Sentra industri genteng Jatiwangi geus mampuh nyipta lain bae citra kualitas, tapi sakaligus muka lolongkrang gawe nu gede. Sutara-Sutara sejen nu milu hirup jadi samacem kuli pocok nu milu sakadar nangkring di pos. Lain bae bae aya di Burujul, Sukaraja, Pinangraja, Loji, Andir atawa Cibogo nu enya-enya asup wilayah kecamatan Jatiwangi. Samalah Mandapa, hiji desa nu aya di wewengkon Dawuan atawa Palasah jeung Sumberjaya nu beda wilayah tapi tetep milu ngakukeun produk gentengna minangka genteng Jatiwangi.

    Saptu gajihan, Jadi Jutawan
    Anu digarawe di pabrik genteng teh sabenerna mah sok jadi bahan pamoyokan. Paribasa pananya,”Gawe di Jebor?”, atawa “Heureuh, Jebor!” geus kaitung teu dianggap. Komo lamun nu ngadon buburuh teh urang luar daerah, nu diangkut make treuk dunungan, dipoyokna teh, “Lekek!” atawa “Peunciteun!”. Tara ieuh dibales ku moyokan deui, balem wae bari semu-semu tungkul. Nu ti luar daerah teh aya nu ti Gunung Kuning, Garawastu atawa Singawada. Singawada teh hiji desa nu aya di kecamatan Rajagaluh, nu kaitung jauh ti Jatiwangi.
    Nu digawe teh lolobana mah awewe. Lamun keur ngaleut daratang ka tempat gawe teh sok aya bae nu ngagorowok,”Tewak!”. Ti buruh lalaki tangtuna oge. Kituna teh lain sakadar gorowok, bari enyana newakna teh. Atawa sakadar noel, saulas-saoles. Kalan-kalan aya nu ngambek mah tapi rereana mah saleuseurieun, milu ngagonjak ka nu ditewak atawa nu ditoel. Mani sok kadenge meh bareng,”Adeuh…”
    Gawe di Jebor teh per kelompok, kumaha jumlah presan. Presan teh panyitakan gentengna. Tina sapresan nu gawena butuh tanaga 9 urang. Awewe 6 lalaki 3. Dua lalaki nyekel mesin presan, saurang tukang ngageplak, sesana ngeureut jeung ngunjal. Lobana kelompok ditangtukeun ku lobana mesin presan. Juragan jebor bisa jadi dunungan make modal hiji mesin presan. Matak teu aneh lamun pada-pada tatangga jadi juragan, bari jeborna pagigir-gigir.
    Imik (29 taun) digawe di jebor Sukaraja ti semet tamat Sakola Dasar taun 1989. Lembur asalna mah ti Palabuan, kecamatan Sukahaji. Gawena ti jam 7 tepi ka jam 12 beurang, disebutna teh bedugan. Imik teh bungsuna ti 5 sadulur, nu kabehna oge milu gawe di jebor. Pangna daek milu gawe di jebor alatan da kudu kitu, ngarah sarua jeung batur.
    “Mecak digawe di jebor teh, mecak ku bebasna…”, kitu ceuk Imik nu ngalaman kawin umur 17 bari kiwari jadi rangda. Mecak teh hartina lain nyoba, tapi resep.
    Imik dina sakelompok digawena teh kudu sanggup ngieun genteng Palentong, genteng leutik, sajumlah 3000 siki jero sabedug. Lamun genteng Glazur, jero sabedug teh kudu bisa 1800 siki. Ku gawe borongan sabedugan teh kudu beres bari hasilna hade. Sabab teu jarang ana sakalian dunungan ngaroris, hasilna goreng teh dicarekan saharita. Malah bisa teu meunang gawe saharita, da kapeunteun goreng gawena.
    Perkara pundah-pindah gawe keur Imik jeung buruh sejenna, teu ieuh jadi masalah. Da puguh pabrik genteng sakitu ngabideugna. Imik sorangan ngalaman pindah gawe aya kana 5 kalina.
    Sabaraha upah Imik? Imik dibayar sapoena 8 rebu tepi ka 10 rebu. Tangtu bae beda jeung Iman (23 taun) nu nyekel mesin presan, bisa nyakuan 120 rebu jero saminggu. Naon pangna kitu? “Gawena leuwih beurat, muter mesin pikeun nyitak”, ceuk Iman nu calon bapa, nu geus dua kali ngalaman kawin teh bari seuri. Otot leungeunna katingal babaringgelan balas managa. Iman oge sarua lulusan SD taun 1994. Basa ditanya kunaon gawe di jebor, dijawabna teh bari angger seuri,”Lah, nu lain ge teu sarakola mareunang duit…”
    Iman boga adi tilu, lanceukna hiji digawe di kebon tiwu. Kawin nu mimiti nalika umur 19 taun, ngan kuat 7 bulan. Naha? “Asa teu ngarti kawin teh jeung teu bogoh we meureun…”
    Har, naha teu bogoh bet kawin? Ari duit ladang jebor dipake naon? “Dipake rupa-rupa, bisa meuli domba, emas, atawa bareto mah dititipkeun ka kolot, neundeun jang piimaheun…” pokna mani koloteun. Kituna teh dienyakeun ku Mang Tarja (52 taun) tukang ngabakar. Sanajan aya kecap meuleum, basana teh angger bae ngabakar. Mang Tarja mah teu sakola. Gawe di dinya ti keur budak keneh. “Betah gawe di jebor teh, bebas taya pikiran”. Dina saminggu ngabakar teh aya kana tilu kalina, upahna 100 rebu sakali ngabakar.Upahna mah sarua dibayar poe Saptu, poe gajihan urang jebor.
    Lamun ninggang rek gajihan, buruh jebor mah sok darangdan, ngageulis. Jam 1 tepi jam 2 beurang gajihan teh. Sok bari jeung arisan eta teh, aya nu ngaturna 20 rebu saminggu. Tina sakelompok bae oge buruh jebor mah sok aya nu jadi jutawan samingguna teh.

    Sakola kungsi copong
    Ceuk Iman mah gajihan ti jebor teh plus-plos, teu ka ditu teu ka dieu. Ngan teu aya pikiran sejen pikeun ganti pacabakan, ku geus genah panggih jeung poe saptu. Gajihan tea. Hartina bakal nyekel deui duit.
    Kitu deui Herman (25 taun) nu sarua nyekel mesin presan sarta geus boga budak hiji. Gawe bedugan mah jam 12 teh geus genah, bisa ulin. Herman mah sarua jiga mang Tarja, teu kungsi sakola.”Tapi pan teu sakola ge boga duit” cenah bari seuri sarta nyedot roko keretekna jero pisan. Malah boh Herman boh Iman bisa pisan nuduh-nuduhkeun jalma si itu si eta nu sakolana terus tapi tungtungna mah ka jebor-jebor keneh bae.
    “Rada hese puguh oge nuwuhkeun kasadaran pentingna sakola teh,”ceuk Drs.Dadan Fauzan (39 taun) Kapala SMP Muhammadiyah Jatiwangi, ”Kantos kaalaman gaduh siswa mung 22 urang, kelas 3 aya 15 urang, kelas 2 mung 7 urang, atuh kelas hiji mah mani teu aya pisan!”
    Sakola Muhammadiyah mah estuning sakola”perjuangan”. SPPna gratis jeung teu make Uang Bangunan ditambah deui ku mere samacam ektrakurikuler nyaeta diajar nyablon sagala dasar. ”Ngan nya eta sesah pisan milarian murid teh” ceuk Dadan nu asli teureuh Bantarujeg teh bari gogoged salila medar minat sakola. Lian ti mere praktek sablon teh di sakolana ngayakeun komputer, drumband, broadcast jeung beladiri Tapak Suci. Peralatan eta teh kaasup drumband asalna ti para agnia nu jadi donatur. Nya diantarana nu nyumbang teh nya juragan jebor, sanajan persentasena saeutik pisan tina kauntunganna.
    Dr.Dedi Supriadi samemeh jeneng Guru Besar UPI ( kiwari almarhum) kungsi ngieun panalitian babarengan jeung mahasiswa Pascasarjana UPI ngeunaan SLTP Terbuka, diantarana ka SMPN di Jatiwangi. Eta panalitian teh nyurvey jeung ngadata barudak nu sakuduna sakola sabada rengse SD, lamun teu bisa asup SMP Negeri atuh hadena milu ka SLTP Terbuka nu difasilitasan ku SMP Negeri boh tempat boh guru-guruna. Tapi da teu rea nu miluan, sanajan anu dilaporkeun ku Kapala Sakolana mah aya, da pakait jeung bantuan ti Diknas. Atuh program nu sakitu hadena teh lapur, teu kamangpaatkeun.

    Turun pamor strata ganjor
    Nurutkeun H.Sukarsa (40 taun), inohong nu gede katineungna kana dunya atikan di Jatiwangi, kaitung hese ngajak para juragan genteng pikeun milu mikiran sakola. Teu aya saurang oge juragan genteng nu asup jadi Dewan Sekolah. “Katingal meureun tadi sapanjang Sukaraja atawa Burujul, seueur bumi tanding karaton, beayana milyaran da pangalana ge milyaran, tapi ana dipenta sumbangan paling luhur 100 rebu. Padahal rea haji jeung lain sakali mangkatna ge, kuduna mah pan ngarti kana jakat mal umpamana”
    Puguh ge asa katempo ganjor ku loba imah wangun Spanyolan bari para buruhna rarujit sarta paling copel naraek sapeda, pikeun nu boga. Sok pada tingkuciwes yen juragan genteng mah pedit, resep ulin jeung kawin. Rea nu teu akur deuih jeung papada juragan, silih saengan, silih beubeutkeun. Sanajan di Jatiwangi geus ngadeg Asosiasi Pengusaha Genteng Jatiwangi atawa APEGJA.
    “Teu sukuran sigana mah!”, ceuk H.Sukarsa tandes,”Boh ka Gusti, muhun apan anu janten modal awalna teh taneuh nu diolah janten genteng, atuh suluhna da keur ngabeuleum genteng teh ku suluh, nya ka masarakatna nu jadi buruhna nu teu katalingakeun kumaha nasibna, kumaha kahirupan sapopoena, kumaha pendidikanna”
    Memang kiwari mah teu saeutik pabrik genteng nu fuso teh. Bangkrut, ceuk urang dinyana mah. Tapi sanajan kitu, masih loba nu neundeun harepan ku ayana jebor teh, sanajan jadi kuli matuh oge. Nu pamangkatan mimitina jadi tukang narok suluh, nya narok uluh tepi ka sengklehna. Nu model Imik, ngeureut jeng ngunjal datang piligenti, taya reureuhna. Generasi nu ngagantina sarua nungguan giliran. Kuli bedugan nu gajihan saban Saptu.
    Atuh Sutara, isukan ge geus siap ngariung di pos garduh. Nungguan muat. Kuli pocok.
    *
    oom somara de uci, majalengka.
    Close up:
    Ceuk Imik,”Leuwih enteng jadi Pembantu”
    Imik mimiti asup jebor teh umur 13 taun, satamatna SD. Kabita ku batur nu lamun Saptu darangdan jeung bisa ulin bari nyekel duit sorangan. Kawin munggaran teh ka tukang suluh, purah narok suluh pikeun ngobong genteng. Kitu bae, pruk kawin. Harita teh karek 17 taun. Ngan ku sabab pondasi rumah tanggana teu pati weweg, nya ahirna mah kateug. Tapi da nu jiga Imik teh pirang-pirang. Alesanana bisa macem-macem, tapi nu narik, kabeh dicaritakeunana teh enteng pisan.
    Imik oge kungsi jadi pembantu, bubujang di dununganana nu butuheun ku nu ngasuh budak. Atuh gawe oge pindah, ti tempat nu lamokot ku taneuh ka imah dunungan nu agreng tapi sakaligus mindeng pisan suwung.
    Ongkoh gajih teh weuteuh,da dibayarna sabulan sakali.Ngan jadi teu bisa sangeunahna balik sakumaha biasana ari keur kuli borongan nu tepi ka bedug lohor. Jeung arang nyekel duit deuih.
    “Jadi ceuk abdi mah asa mecak keneh gawe di jebor, bebas!” ceuk Imik bari ngajelaskeun kumaha resepna ngabring mangkat gawe jeung pada baturna. Bari mekel sangu jeung deungeunna. Engke dipurak jam10 bari silih asaan deungeun sangu bawa baturna. Kode pikeun istirahat dahar teh di jebor mah goyang. “Goyang! Goyang!! Goyang!!!”, cenah mani reang bari ceg saanuna.
    Boh harita boh ayeuna, keur Imik mah kana sakola teh teu aya kapikiran neruskeun. ”Mecak keneh digawe daripada sakola teh, ongkoh karunya ka kolot, da nyongan kudu bae meuli buku, rarang!” cenah bari masang budi haseum baketut.
    Ti jauhna haseup katingal mulek mumbul ka langit. Jebor sepi pada ninggalkeun ti wayah lohor keneh. Nyesakeun tukang ngobong nu ngasur-ngasur suluh bari luut-leet kesang. Suwung, karasa teh.
    *
    oom somara de uci, majalengka

    Waler

  22. nepangken teh abdi jajaka ti cianjur
    nanging abdi mah teu tiasa nanaon
    da abdi mah teu sakola
    hoyong silaturahmi wi sareng urang sunda sadaya di mna wae ayana

    Waler

  23. uum: haputen teu acan diwaler…. tiasa diseratkeun di dieu email anjeun?sim kuring niat bade ngawaler…

    neneng: nuhun neng.. euleuh ulah seseurian nyalira atuh🙂

    etek: sami2 top atuh, haha …. anjeun-na urang mana?

    teteh: salam kenal atuh teh….. sumuhun asa sedih tos teu rea nu tiasa keneh nyarios Sunda nu merenah.. ah keu bae lah, nu penting mah urang2 we…. teras ngamulule basa Sunda

    babay: kumaha damang kang?

    asep: mangga kang…. sami2 … nuhun tos ameng kan pun rorompok…

    oom somara: teu apal kana Jatiwangi teh…. pernah sakali nyaba ka dinya, mung tos lami pisan… nuhun kanggo seseratanna kang…

    kang komar: salam tepang, kang….. nuhun tos silaturahmi….. hidup urang sunda🙂

    Waler

  24. Posted by heriyawan on Juli 13, 2010 at 2:42 am

    emut mangsa nuju alit keneh kangtos ku seupuh di cariosan tong teubih2 di bandung, hirup hurip di leuit sunda , harita pirbados kaleubeut murangkalih nu teu nampi carios seupuh upami teu leubeut kana naon basa ayeuna mah logika…tara beutah di bumi..manjing dewasa lulus sakola enggal2 meucleung ti bandung..dugi kaayeuna…dina hartosan sanes teu meulang ka kulawargi atanapi nu teu mikacinta ka leumbur…tapi hoyong ngabuktoskeun urang sunda teh ulah kurung batok..urang sunda keudah mijah keudah mamfaat dimana wae…reueus ninggal nu seueuer nu hasil nu mangfaat ka balarea…hatur nuhun teh tos ngaitkeun duduluran ku ayeuna ieu blog…salam…cag…

    Waler

  25. Posted by lemburkuring2007 on Agustus 22, 2010 at 4:46 pm

    Salam kenal kanggo sadayana

    Waler

  26. Abdi ngiringan icikibung sanaon mung ukur nyerat wungkul….

    Waler

  27. Posted by Ugun on April 12, 2011 at 6:40 am

    Salam kenal kanggo ka sadayana, utamina ka teh Mer nu gaduh rorompok. Abdi Ugun urang Cicaheum, tapi nuju nyiar kifayah di Batawi …..

    Naha nya blog na meni sepi kieu ? Nuju rariweuh panginten ?

    Waler

  28. Salam pangwanoh Teh Mer. Ngiring bingah, ngiring reueus, masih emut tur ngamumule kana basa Sunda, basa Indung urang. Ceuk paripaos muncang labuh ka puhuna, satebih-tebihna ngumbara oge tangtos bakal uih deui ka lemburna (sanaos mung ukur dina emutan).

    Salam

    Waler

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

%d bloggers like this: